Պետական փոխհատուցում բարձր որակավորում ունեցող մասնագետներ ներգրավող գործատուներին
ՀՀ Կառավարությունը ընդունել է Հայաստանի ներդրումային խորհրդի և ՀՀ Էկոնոմիկայի նախարարության կողմից համատեղ մշակված միջոցառումը, որն ուղղված է բարձր որակավորում ունեցող մասնագետների (ԲՈՈՒՄ) ներգրավման խթանմանը։ Նախագծի նպատակն է բարձրացնել գործող ընկերությունների արտադրողականությունը՝ աջակցելով տնտեսավարողներին ներգրավել բարձր որակավորում ունեցող մասնագետների, և խթանել գիտահետազոտական և փորձակոնստրուկտորական գործունեությունը։
Ըստ ընդունված կարգի նախատեսվում է առեւտրային եւ ոչ առեւտրային կազմակերպություններին (ՍՊԸ, ՓԲԸ, ԲԲԸ, ՀԿ, Հիմնադրամ, այդ թվում ԲՈՒՀ) (ոչ անհատ ֆիզիկական անձանց կամ անհատ ձեռնարկատերերին) փոխհատուցել բարձր որակավորում ունեցող մասնագետի (ԲՈՈՒՄ) ամսական աշխատավարձի և դրան հավասարեցված վճարների 20-70%-ը՝ ըստ սահմանված չափանիշների, որոնք ներառում են ԲՈՈՒՄ-ի կրթական և մասնագիտական փորձը։ Պետական աջակցության միջոցառման վերջնաժամկետը 2025 թվականի դեկտեմբերի 31-ն է։
![](assets/images/img1.png)
Ով կարող է դիմել փոխհատուցման համար
✔ Փոխհատուցման դիմումը լրացվում է գործատու կազմակերպության ( ՍՊԸ, ՓԲԸ, ԲԲԸ, ԲՈՒՀ, ՀԿ, հիմնադրամ և
այլ ոչ առևտրային կազմակերության) կողմից
✔ Այն կազմակերպությունները, որոնք աջակցության համար դիմելու պահին նախորդող 12 ամսվա ընթացքում
առնվազն 2 ամիս ( անընդմեջ ) ներգրավել են իրենցկազմակերպության մեջ ԲՈՈՒՄ
✔ ՊԱՐՏԱԴԻՐ ՍՏՈՒԳԵՔ, արդյոք դուք կարող եք դիմել այս աջակցության միջոցառմանը հետևյալ առցանց գործիքի
միջոցով` https://bit.ly/3CSdzda
![](assets/images/img2.png)
![](assets/images/img3.png)
Բարձր որակավորում ունեցող մասնագետների (ԲՈՈՒՄ) չափորոշիչներ
ԲՈՈՒՄ է համարվում այն մասնագետը, ով գործատուի կողմից ծրագրին դիմելու պահին նախորդող
30 ամսից 12-ը (կումուլատիվ) ապրել է Հայաստանի Հանրապետության տարածքից դուրս և բավարարում է հետևյալ
պայմաններից գոնե մեկին՝
1) Ավարտել է ծրագրին դիմելու տարում հրապարակված QS World University Rankings համաշխարհային
համալսարանների վարկանիշի առաջատար 400 ԲՈՒՀ-երից որևէ մեկը և ստացել է բակալավրի, մագիստրոսի և/կամ
դոկտորի (կամ տվյալ երկրում ընդունված համապատասխան այլ բարձրագույն
կամ/և
2) ունի նվազագույնը 10 տարվա աշխատանքային փորձ (գումարային) հետևյալ վարկանիշի կամ ինդեքսի մաս կազմող
ընկերություններում՝ Forbes,
Fortune,
HeadHunter,
NIFTY,
Dow Jones,
FTSE,
S&P,
SSE Composite,
SZSE,
KOSPI,
KOSDAQ,
BSE SENSEX,
NSE of India,
BOVESPA,
IBrX, ITEL,
Nikkei,
TOPIX,
DAX,
MDAX,
MOEX Russia:
![](assets/images/img4.png)
![](assets/images/img5.png)
![](assets/images/img6.png)
Որքան է աջակցության չափը
ԲՈՈՒՄ-ներին վճարված աշխատավարձեր և դրան հավասարեցված այլ վճարումներ են համարվում վերջիններիս համար աշխատանքային պայմանագրերով կամ աշխատանքի ընդունման մասին անհատական իրավական ակտով սահմանված աշխատավարձերը և դրանց հավասարեցված այլ վճարումները (ներառյալ հարկերը, պարտադիր այլ վճարները):
Գործում է փոխհատուցման հետեւյալ սանդղակը՝
Գործատու կազմակերպություն | Չափանիշներ | Փոխհատուցման չափ |
---|---|---|
ՍՊԸ, ՓԲԸ, ԲԲԸ, ԲՈՒՀ, ՀԿ, հիմնադրամ, գիտահետազոտական կազմակերպություն | Բակալավրի կամ մագիստրոսի կոչում առաջատար 400 ԲՈՒՀ-երից որևէ մեկում (բացակայում է դոկտորի կոչումը) | 20% ամսական, բայց ոչ ավել քան 1 միլլիոն դրամ ամսական։ |
Նվազագույնը 10 տարվա աշխատանքային փորձ (գումարային) հետևյալ վարկանիշի կամ ինդեքսի մաս կազմող ընկերություններում՝ Forbes, Fortune, HeadHunter, NIFTY, Dow Jones, FTSE, S&P, SSE Composite, SZSE, KOSPI, KOSDAQ, BSE SENSEX, NSE of India, BOVESPA, IBrX, ITEL, Nikkei, TOPIX, DAX, MDAX, MOEX Russia (բացակայում է դոկտորի կոչումը) | ||
ՍՊԸ, ՓԲԸ, ԲԲԸ, ԲՈՒՀ, ՀԿ, հիմնադրամ, գիտահետազոտական կազմակերպություն | Բակալավրի կամ մագիստրոսի կոչում հրապարակված QS World University Rankings համաշխարհային համալսարանների վարկանիշի առաջատար 400 ԲՈՒՀ-երից որևէ մեկում, նաև դոկտորի կոչում ցանկացած ԲՈՒՀ-ի կողմից (թե' Հայաստանից, թե' Հայաստանից դուրս)։ Դոկտորի կոչում առաջատար 400 ԲՈՒՀ-երից որևիցե մեկի կողմից | 50% ամսական, բայց ոչ ավել քան 1.5 միլլիոն դրամ ամսական։ |
Առնվազն 10 տարվա աշխատանքային փորձ (գումարային) հետևյալ վարկանիշի կամ ինդեքսի մաս կազմող ընկերություններում՝ Forbes, Fortune, HeadHunter, NIFTY, Dow Jones, FTSE, S&P, SSE Composite, SZSE, KOSPI, KOSDAQ, BSE SENSEX, NSE of India, BOVESPA, IBrX, ITEL, Nikkei, TOPIX, DAX, MDAX, MOEX Russia. և դոկտորի կոչում ցանկացած ԲՈՒՀ-ից | ||
ՍՊԸ, ՓԲԸ, ԲԲԸ, ԲՈՒՀ, ՀԿ, հիմնադրամ, գիտահետազոտական կազմակերպություն | Բակալավրի կամ մագիստրոսի կոչում առաջատար 400 ԲՈՒՀ-երից մեկում, նաև դոկտորի կոչում ցանկացած ԲՈՒՀ-ից (թե' Հայաստանից, թե' Հայաստանից դուրս), նաև դասավանդում է հայկական ԲՈՒՀ-ում և միևնույն ժամանակ աշխատում նաև Հայաստանում գործող կազմակերպությունում | 50%, բայց ոչ ավել քան 1.5 միլլիոն դրամ հիմնական գործատու կազմակերպությանը, և 70%, բայց ոչ ավել քան 2 միլլիոն դրամ բարձրագույն ուսումնական հաստատությանը։ |
Դոկտորի կոչում առաջատար 400 ԲՈՒՀ-երից մեկի կողմից, նաև դասավանդում է հայկական ԲՈՒՀ-ում, և աշխատում է Հայաստանում գործող կազմակերպությունում | ||
Նվազագույնը 10 տարվա աշխատանքային փորձ (գումարային) հետևյալ վարկանիշի կամ ինդեքսի մաս կազմող ընկերություններում՝ Forbes, Fortune, HeadHunter, NIFTY, Dow Jones, FTSE, S&P, SSE Composite, SZSE, KOSPI, KOSDAQ, BSE SENSEX, NSE of India, BOVESPA, IBrX, ITEL, Nikkei, TOPIX, DAX, MDAX, MOEX Russia, նաև դոկտորի կոչում ցանկացած ԲՈՒՀ-ի կողմից, ով դասավանդում է հայկական ԲՈՒՀ-ում և աշխատում է Հայաստանում գործող կազմակերպությունում |
![](assets/images/img8.png)
![](assets/images/img9.png)
Ինչպես դիմել
✔ՊԱՐՏԱԴԻՐ ստուգեք եւ համոզվեք, որ դուք կարող եք դիմել այս աջակցության
միջոցառմանը հետևյալ առցանց գործիքի միջոցով` https://bit.ly/3CSdzda
✔Գործատու կազմակերպությունը լրացնում է դիմումի ձևանմուշը, որը հասանելի է այստեղ։ Լրացված դիմումը և
դիմումին պարտադիր կցվող փաստաթղթերի փաթեթը պետք է ուղարկել experts@ncie.am
հասցեին, թեմայի դաշտում նշելով՝ «Բարձր որակավորում ունեցող մասնագետների ներգրավման աջակցություն»։
Դիմումին պարտադիր կցվում են հետևյալ փաստաթղթերը՝
1. Բարձր որակավորում ունեցող մասնագետի բարձրագույն կրթությունը կամ գիտական
աստիճանը հիմնավորող վկայականի պատճենը (սկանը) և/կամ
2(ա). Պաշտոնական տեղեկանք վերոնշյալ ինդեքսավորված կազմակերպության
կողմից (ով հանդիսացել է ԲՈՈՒՄ-ի նախկին գործատու), որում պետք է հստակ նշված լինի քանի տարի է տվյալ
մասնագետն աշխատել այդ ընկերությունում և ինչ պաշտոններ է զբաղեցրել,
2(բ). մասնագետի նախկին աշխատավայրի ղեկավար անձնակազմից համապատասխան
անձի/անձանց անունը, ազգանունը, պաշտոնը, էլ․ հասցեն, հեռախոսահամարը` նշված
տեղեկությունները հաստատելու համար:
3. Բարձր որակավորում ունեցող մասնագետի հետ կնքված աշխատանքային
պայմանագրի (աշխատանքի ընդունման մասին անհատական իրավական ակտի) պատճենը (սկանը)
4. Բարձր որակավորում ունեցող մասնագետի անձը հաստատող փաստաթղթի պատճենը (սկանը)
![](assets/images/img10.png)
Փոխհատուցման հաստատումը Եվ վճարման կարգը
Փաստաթղթերի համապատասխանության դեպքում, հաստատվում է ԲՈՈՒՄ աշխատավարձի փոխհատուցումը.
✔ Փոխհատուցումները փոխանցվում են տնտեսավարողների դիմում-հայտում նշված բանկային հաշիվներին` մինչև
յուրաքանչյուր եռամսյակին հաջորդող ամսվա 15-ը (այն դեպքում, երբ գործատուն հանձնում է հարկային
հաշվետվությունը մինչև այդ ամսվա 10-րդ օրը):
✔ Փոխհատուցումները տրամադրվում են գործատուին դիմումի հաստատումից սկսած իրար հաջորդող 36 ամիսների
համար:
✔ Փոխհատուցումները տրամադրվում են միայն դիմումի բավարարման պահից հետո ԲՈՈՒՄ-ներին վճարված
վճարումների դիմաց և չեն տրամադրվում դիմումին նախորդող շրջանում կատարած վճարումների համար։
ԿԱՐԵՎՈՐ ԾԱՆՈՒՑՈՒՄ. Այս նյութը կրում է բացառապես տեղեկատվական բնույթ,
չի հանդիսանում պաշտոնական հրապարակում կամ պաշտոնական տեքստ: Դիմողները պետք է ուսումնասիրեն ծրագրի
պաշտոնական տեքստը: Ծրագրի պաշտոնական տեքստը հասանելի է այստեղ
Միայն դիմողն է պատասխանատու իր դիմումի
և կից փաստաթղթերի ճշտության, ՀՀ օրենսդրության պահանջներին համապատասխանող դիմումը ժամանակին և ճշգրիտ
ներկայացնելու համար: Դիմումի վերաբերյալ որոշումը կայացնում է միջոցառումն իրականացնող ՀՀ
կառավարության սահմանած մարմնի կողմից ձեր դիմումի հիման վրա: Լրացուցիչ պահանջներ, պայմաններ և
սահմանափակումներ կարող են կիրառելի լինել: Սույն նյութը վերաբերվում է միայն ՀՀ կառավարության
26.03.2020 թ. N 355-Լ որոշման N 2 Հավելվածով սահմանված պետական աջակցության ծրագրին: Այս
տեղեկատվությունը չի կարող օգտագործվել այլ աջակցության ծրագրերի մասնակցելու հնարավորությունը
գնահատելու համար: